100 lagun inguru bildu dira igande eguerdiz egindako ekitaldian, herri sarreran. Pello Estanga alkateak hartu du aurrena hitza: "Legez behartuta, Espainiako bandera jarrarazi digute udaletxeko balkoian. Guk, hemen, zera erantzun nahi diegu: Anoetan ez dugula ikur inposaturik nahi, bandera horrek ez diola anoetarren gehiengoaren nahiei erantzuten. Ikurrina da gure bandera bakarra".
Halaxe, ikurrina handia jarri dute herri sarreran, eta baita idatzi bat ere haren azpian. Txalapartari, dantzari eta abeslariek borobildu dute ekitaldia. Saioa Tolosa EH Bilduko hautagaiaren hitzetan, "apirilaren 28a da gure erabakiaren alde egiteko eguna: galiziarrek, kataluniarrek eta euskaldunok, denok batera, ozen esango dugu gu errepubliken alde gaudela, pluralean. EH Bilduren bozka da errepubliken aldeko bozka".