Lide Aranzabek gazteen izenean hitz egin zuen, eta EH Bildurentzako eskatu zuen botoa, hainbat arrazoirengatik: "Enplegua eskatzen duen ahotsa delako, euskal hezkuntza sistema nazionala eskatzen duelako, gazteon prekarietatea salatzen duelako eta Espainiako eta Frantziako Estatuko espetxeetan sakabanatuta dauden euskal presoen etxeratzea eskatzen duelako".
Pedro Iturbe eta Jone Etxeberriaren txanda izan zen ondoren: azpimarratu zutenez, "Herri honen etorkizuna bermatzeko proiektu bakarra EH Bildu da. Arrazoia daukagu, baina arrazoia edukitzea ez da nahikoa. Jendea konbentzitu behar dugu eskolan, lantegian, eta mugitzen garen leku guztietan, maitasunez. Astebete gelditzen zaigu".
Amaitzeko, afari merienda ederra egin genuen Elizako portikoan.
Egin irri, egin herri, eta igandean, bozkatu EH Bildu!
Ostiraleko ekitaldiko hainbat une biltzen dituen bideoa: