Batzar honetan guztira 3 gai jorratuko dira:
1. Legealdiaren balorazio laburra
2019an hasitako udaleko legealdian zehar EH Bilduko udal gobernuaren jardunaren ezaugarri nagusiak azalduko dira eta udalgintza arloan egindako lanaren lehen balorazio orokorra partekatuko da. Batzarrera gerturatzen direnek hitza hartzeko eta iritziak partekatzeko aukera izango dute puntu honetan.
2. Amasa-Villabonako EH Bilduren Hauteskundeei begirako planteamendua
2023ko maiatzeko udal hauteskundeei begira, EH Bilduk martxan jarri duen lanketaren berri emango da; sortu diren lantalde ezberdinak, lantalde bakoitzaren osaketa eta zereginak, bete beharreko epeak etab.
3. EH Bilduren alkategaia aukeratzea
Amasa-Villabonako EH Bilduko mahai politikoak Beatriz Unzue, egungo alkatea proposatuko du hurrengo alkategaia izteko. Herri Batzar hau izango da hautagaitza hau ofizialki onartu edo baztertuko duen organoa. Beraz, puntu honetan bozketa egingo da eta gehiengoz erabakiko da EH Bilduko mahai politikoak egindako proposamena onartzen den edo ez.
Amasa-Villabonako EH Bidlutik, Herri Batzar garrantzitsu honetan parte hartzeko gonbidapena luzatzen diegu gurekin bat egiten duten edota abertzale eta ezkertiarrak diren herritar guztiei.
Amasa-Villabonako EH Bilduk Herri Batzar garrantzitsua egingo du asteazken arratsaldean. Besteak beste, 2023ko maiatzeko udal hauteskundeetarako alkategaia hautatuko da batzar honetan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!