Beste urte batez, aurtengo urtezahar egunean ere, kalera aterako gara euskal presoek eta beren familiek pairatzen dituzen eskubide urraketak eta salbuespenezko legedia salatzeko eta euskal presoak Euskal Herrian egon behar dutela aldarrikatzeko. Espero dugu aurtengoa azken manifestazioa izatea.
Atzo albiste pozgarria jaso genuen, espainiar Barne Ministerioak, Karlos Besance, Manex Castro eta Iñigo Guridi preso billabonatarrak lekualdatu eta gerturatuko dituela jakinarazi baitzuen. Andaluziako espetxeetatik, 200-300 kilometroetara dauden beste espetxe batzuetara mugitzeak, bisitak egiteko senide eta lagunek espainiar errepideetan egin beharreko kilometro kopurua eta bidaiaren iraupena nabarmen gutxitzea dakar. Bada zerbait, norabide onean emandako urrats bat.
Baina era berean, neurri hauek ez dira inondin inora nahikoa eta presoak Euskal Herrian eta etxean egon behar dutela aldarrikatzen jarraituko dugu, salbuespenezko neurri guztiak, bereziki urruntzea eta sakabanaketa, indargabetu edo desagerrarazi arte.
Amasa-Villabonako EH Bilduk bat egiten du Aiztondoko udalek gaur arratsalderako deitutako manifestazioarekin eta parte hartzeko deia luzatzen die herritarrei.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!