Udalak 1.815€ ordaindu ditu alkatearen elkarrizketa bat argitaratzeagatik

Erabiltzailearen aurpegia
Udalak 1.815€ ordaindu ditu alkatearen elkarrizketa bat argitaratzeagatik
Udalak azken hilabeteetan egindako gastuen fakturak errepasatuta, gastu zehatz batek atentzioa deitu digu: Udalak 1.815 euro ordaindu zizkion Noticias de Gipuzkoa egunkariari Maite Izagirre alkateari egindako elkarrizketa bat argitaratzeko.
Ez sinesteko modukoa dirudien arren, udalean faktura egiaztatu dugu eta aipatutako ordainketa frogatuta dago.
 
Beste behin, EAJren udal gobernuak erakutsi duen jokabidea tamalgarria eta salagarria iruditu zaigu, badirudi edozerk balio duela Maite Izagirreren eta EAJren "gestioa" saltzeko.

Alkateak bere buruaren propaganda egin nahi izatea zilegia da, baina propaganda alderdikoi hori egiteko udalaren diru publikoa (herritar guztion dirua) erabiltzea, erabat onartezina da.


1.815 euro horiekin herriarentzat onuragarria zitekeen beste edozer gauza egin zezakeen udalak, eta ez alderdi jakin baten eta bere hautagaiaren propaganda egiteko baliatu.
 
Oraingo honetan ere, Maite Izagirre alkateak azalpenak eman beharko lituzkeela pentsatzen dugu.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!