EH Bilduko kideon ustez herriko beharrei erantzungo dien herri-programa bat osatzeko garaian, ezinbestekoa da herritarrei entzutea eta gure bizilagunek izan ditzaketen ideia edo proposamenei bide emateko tresnak eskuragarri jartzea. Horretarako sortu zen "Kuaderno Zuria" ekimena eta Kiroldegiaren kanpoaldean ezarri zen lehen egunean, 12 ekarpen ezberdin jaso ziren.
Aipatzekoa da Beatriz Unzue alkategaiak egunero soinean eramaten duela kuadernoa eta irrikaz dagoela herritarrekin hitz egin eta ekarpenak kuadernoan jasotzeko.
Azkenik, Amasa-Villabonako EH Bilduko hauteskunde lan-taldeak banan-banan aztertuko ditu kuadernoan jasotako ekarpenak eta guztiek erantzun bat jasoko dute.
Amasa-Villabonako EH Bilduk herritarren iritzi, ideia, iradokizun edo proposamenak biltzeko "Kuaderno zuria" ekimenarekin jarraitzen du eta herritarrek kuadernoan idazteko 2. aukera izango dute gaur Villabonako Malkar plazan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!