Errebote plaza gure herriko espazio garrantzitsua da, Villabonaren ikur eta bihotza eta udalak onartu duen proiektuak aldaketa nabarmenak ekarriko ditu.
Gure ustez, herriko plazari eragingo dion proiektu bat behin betirako onartu aurretik, udalak gutxienez herritarrak informatu behar lituzke eta 2014an onartutako Herritarren Parte Hartzeari buruzko Araudia jarraituz, herritarren parte hartzeari bide eman.
EAJ-PNVko udal gobernuak gai honetan izan duen portaera ez da onargarria; azken unean presaka (proiektua abuztuaren 20an aurkeztu zen eta irailaren 10erako onartuta zegoen), oposizioari ekarpenak egiteko aukerarik eman gabe, udalbatzan eztabaidatu ere egin gabe, alegazioak aurkezteko eperik zabaldu gabe, ia ezkutuan publikoki inolako informaziorik eskaini gabe, gardentasunik gabe, herritarrekin ezertarako kontatu gabe, gutxi batzuen artean erabakita... herriko plaza guztiz eraberritu nahi izan dute.
Gainera, dirudienez, proiektu honek plazaren erabilera mugatzea ekarriko du, gaur egun bertan egiten diren hainbat ekintza plazatik kanpora atera behar izango direlarik.
Guzti honegatik EH Bilduko kideok herritarrak informatzeko urratsa eman nahi izan dugu. Udalak ez badu egiten, guk egin beharko dugu.
HITZALDIA: Irailak 26, asteazkena: 19:00etan Subijana Etxean.
Bertan proiektu honi buruzko informazioa eskainiko dugu eta bertaratutakoen zalantza guztiak argitzen saiatuko gara. Interesa duten herritar guztiak gonbidatu nahi ditugu, anima zaitez.