"Pentsio publiko duinak! Gutxieneko pentsioa 1.080€" lelopean, 75 pertsona inguru bildu dira eta hitza hartu duten antolatzaileek, PNV eta PPren arteko akordioa kritikatu dute, akordio horrek ez dituelako etorkizuneko pentsioak KPIarekin batera igotzea bermatzen eta "jendea engainatzeko trikimailu" bat dela salatuz.
Era berean, azken hilabeteetan pentsiodunek erakutsi duten mobilizatzeko gaitasuna eta indarra goraipatu dira, eta pentsio publiko duinak eta 1.080 euroko gutxieneko pentsioak lortu arte mobilizatzen eta borrokan jarraituko dutela berretsi dute antolatzaileek.
Azkenik, pentsio duinen aldeko hurrengo mobilizazioen berri eman dute:
- Ekainaren 9an 12:00etan Manifestazioa Tolosan (Plaza zaharretik, udaletxe aurrean)
- Ekainaren 11n Mobilizazioa Amasa Villabonan: 12:00etan Errebote plazan.