Datorren astelehenean, apirilak 16, Altsasuko 8 gazteren aurkako epaiketa hasiko da espainiar Auzitegi Nazionalean. Gazte hauek guztira 375 urteko kartzela zigor eskaerari aurre egin behar diote, terrorismo akusaziopean. Adur, Jokin eta Oihan kartzelan aurkitzen dira eta dagoeneko 513 egun daramatzate giltzapean, Madrilgo espetxeetan dispertsaturik epaiketa honen hasieraren zain. Guzti hau onartezina da! Ez da Posible! Justizia eskatzen dugu!
Oso garrantzitsua izango da larunbat honetan Iruñeako kaleak jendez betetzea, Altsasuko gazteei elkartasuna eta babesa adierazteko, eta espainiar errepresio eta injustiziaren aurrean, herri honek tinko eta ozen benetako justizia aldarrikatzeko. Altsasuko gazteen kasua sekulako desproportzioa da, astakeria galanta, eta denon artean gelditu beharrekoa.
Guzti honegatik, Amasa Villabonako EH Bildutik larunbatean 17:30etan Iruñeako Golem zinemetatik abiatuko den manifestazioan parte hartzeko deia luzatzen diegu herritar guztiei. Denok Iruñera!
