Espainiako Auzitegi Gorenak Kataluniako hainbat ordezkari politiko independentista espetxeratzeko agindua eman eta Alemanian Carles Puigdemont kataluniako president zilegiaren atxiloketa gertatu ondoren, Amasa Villabonako EH Bilduk eta Gure Esku Dagok elkarlanean, elkarretaratze hau antolatu dugu.
Kataluniako herriak bizi duen salbuespeneko egoera eta Espainiako estatuaren demokrazia falta eta inboluzio demokratikoa salatzeko egingo dugu elkarretaratzea. Euskal Herriko hainbat eragile politiko, sindikal eta sozialek: ELA, LAB, ESK, STEE- EILAS, CNT, EHNE, HIRU, Etxalde, Gure Esku Dagok eta EH Bilduk bat egin dute deialdiarekin. Era horretara, Kataluniako herriari elkartasuna agertzeko, preso politiko kataluniarrak berehala askatzeko eta demokrazia defendatzeko bilduko gara.
Amasa Villabonako eta Aiztondo bailarako herritarrei parte hartzeko deia luzatzen diegu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
