Behin baina gehiagotan adierazi dugun bezala, EH Bilduk bere babesa eta atxikimendua adierazten dio martxoaren 8ko greba feministari eta Euskal Herri osoan mugimendu feministak antolatu dituen ekimen eta mobilizazioei. Aurtengo martxoaren 8a egun historikoa izango da eta gu hor egongo gara, milaka emakumerekin batera kalean.
Indarkeria matxistaren, estereotipo patriarkalen, emakume eta gizonen arteko soldata arrakalaren, kapitalismoak ezartzen dituen bazterketen... kontra! Egiazko berdintasunaren alde! EH Bilduko emakumeok ere, PLANTO!
M8 Emakumeen Nazioarteko Eguna 2018
Biharko geldialdi eta mobilizazioekin bat egin eta parte hartzeko deia luzatzen dugu
Hauek dira bihar, martxoaren 8an, Billabonako Mugimendu Feministak antolatutako deialdiak: 11:00etan Kalejira zaratatsua Errebote plazatik hasi eta herri guztian zehar eta 19:00etan elkarretaratzea Malkar plazan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!