Atzo Orlandon (AEB) komunitate homosexualak jasandako sarraskia gogor gaitzesten dugu

Atzo Orlandon izandako eraso odoltsua guztiz onartezina da eta gure gaitzespenik gogorrena adierazi nahi dugu. Gainera historikoki baztertua eta diskriminatua izan den eta oraindik beren eskubideengatik borrokatzera behartuta dagoen homosexualen komunitatea izan da erasoa jasan duena. 50 hildako! a ze astakeria! EH Bildutik gure babesa eta elkartasuna adierazi nahi diegu eraso honetan hilik edo zauriturik suertatu direnen familia eta lagunei, eta gogor salatzen dugu ekintza lotsagarri hau burutu duen edo dutenen jarduna.