Bi Bala taldeak diskoa aurkeztuko du larunbatean

Erabiltzailearen aurpegia

Bi Bala taldeak 'Arazo modernoak' diskoa aurkeztuko du larunbatean Tolosako Bonberenea etxean. Kontzertua 22:30ean hasiko da, eta sarrera zortzi eurokoa izango da.

Arazo modernoak izeneko disko berri honetan, hitzez beti bezain zorrotz eta umoretsu dator taldea, eta inor gutxi salbatuko da astinaldi on bat jasotzetik.

Bonberenea Ekintzak plataformak ekoiztua, Karlos Osinaga izan da soinuaren nondik-norakoen arduraduna (grabaketa eta nahasketa). Tolosako Bonberenea gaztetxeko estudioan grabatu da 2017ko irailean eta urrian. Masterizazio lanak Jonan Ordorikak egin ditu Mamia Mastering estudioan.  

Ostiralean, azaroak 24, Revolta Permanent eta On taldeak izango dira; kontzertua 22:30ean hasiko da, sei euroren truke.

Bi sarrera zozkatzen ari gara webgunean!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!