Udal gobernu honen asmoetan ez egon arren, badirudi herritarren erreakzioari esker parte hartze prozesu bat martxan ipintzea lortu dela. Irurako EH Bilduk zorionak eman nahi dizkizue, herria eta parte hartzearen alde emandako pausoengatik. Orain, benetako parte hartze ariketa ematen dela ziurtatzeko lanean jarraituko dugu.
Dirudienez, EAJ-PNVk hiru aukera aurkeztuko ditu prozesu horretan:
1. Hasieran aurkeztu zuen proiektua (1.369.000 euro + kredituaren interesak eta mobiliarioa = 1.740.000)
2. Hirugarren solairua aurrerago egiteko uzten duen aukera (1.292.000).
3. Hirugarren solairua egin gabe (1.193.000).
EH Bilduk prozesu horretan proiektua hasieratik aztertzea proposatuko du berriz ere. Aurrekontua 10 urtetan zeharo baldintzatuko lukeela ikusirik, herriaren beharrak, tartean udalarenak, aztertzea proposatuko dugu. Aztertu ondoren, lehentasunezkoak diren horiek zehazteko.
Informatzen jarraituko dugu.