Belabieta Kirol Klubeko federatuek Macarena Milla torneoan parte hartu zuten martxoaren 21ean. Bertan, Belabietako oinarrizko jubenil taldeak 4. postua lortu zuen eta Inko Oruesagastik zilarrezko domina lortu zuen uztaiarekin egindako ariketan.
Martxoaren 28an, berriz, Euskal Ligaren II. fasea egin zen Amurrioko kiroldegian, eta Belabietako oinarrizko jubenil taldeak 5. postua lortu zuen eta Inko Oruesagastik zilarrezko domina mazoekin.
Hurrengo topaketa apirilaren 18an izango da, Gasteizeko Abetxuko kiroldegian, eta bertan Lirain Klubaren torneoa egingo da.
Azkenik, gogoratu nahi dizuegu ballet eta gimnasia erritmikoko izen-ematea zabalik daukagula. Gurekin harremanetan jar zaitezke 621022105 zenbakian edo belabietagimnasia@gmail.com helbide elektronikoan.