Igandean, urriaren 12an, Anaitasuna pabiloian, Nafarroako Federazioak antolatutako torneoan, aldiz, Belabieta oinarrizko jubenilak 4. postua lortu zuen eta Senior taldeak, 8.a.
Hurrengo topaketa Euskadiko Txapelketa izango da. Urriaren 19an Azpeitiko kiroldegian egingo da eta bertan ere Belabietako oinarrizko jubenilek eta senior taldeak parte hartuko dute.
Azkenik, gogoratu nahi dizuegu ballet eta gimnastika erritmikoko izen-ematea zabalik dagoela. Belabieta Kirol Klubarekin harremanetan jartzeko, deitu 621022105 telefonora edo idatzi belabietagimnasia@gmail.com helbide elektronikora.
