Oinarrizko jubenilak hirugarren eta seniorrak bigarren Euskadiko Ligan

Erabiltzailearen aurpegia Belabieta Gimnastika Erritmikoa 2025eko martxoaren 21a

Gasteizeko San Andres kiroldegian jokatu zen Euskadiko Liga, martxoaren 8an, eta Belabieta gimnastika erritmikoko kideek bertan parte hartu zuten.

Zehaazki, Belabietako oinarrizko jubenilak, seniorrak, Cristina Serrano eta Inko Oruesagasti lehiatu ziren eta honako emaitzak lortu zituzten: oinarrizko jubenilak 3. postua, senior taldeak 2.a, Inko Oruesagastik 8.a uztaiarekin eta Cristina Serranok 10.a pilotarekin.
 
Bestalde, otsailaren 22an, Hernaniko kiroldegian, Benjamín mailako lehenengo topaketa izan zen jokoan. Bertan Belabietako Samaniego, Anoeta H.E. eta Muñagorri taldeek eta bakarkako lanean Ane Arrutik, Kima Tormok eta Jone Martínezek parte hartu zuten benjamin denboraldiari hasiera emanez. Bestalde, igandean, Tolosako Uzturpe frontoian, Tolosa Klubak antolatutako torneoa ospatu zen. Belabietako senior B taldea A mailako taldeekin lehiatu zen eta 5. postua lortu zuen. Jubenil B mailan, aldiz, Orixe taldeak 9. postua lortu zuen.
 
Horrez gain, martxoak 1ean Izarrak torneoa egin zen Barakaldon, eta bertan Belabietako kadete Anoeta taldeak 5. postua lortu zuen B mailan, Henar Garmendiak 12.a uztaiarekin eta Uxue Estivariz, berriz, podiumera igo zen brontzezko domina lortuz pilotako ariketarekin. Leire Bengoetxeak ere podiuma lortu zuen senior master B mailan, torneoko txapeldunordea izanik. Arratsaldean, Belabietako federatu mailako gimnastak ere podiumera igo ziren. Inko Oruesagastik oinarrizko jubenil mailan 2. postua lortu zuen eta Cristina Serranok 3.a. Horrez gain, Belabietako oinarrizko jubenilek eta senior absolutu taldeek denboraldiko lehenengo erakustaldia egin zuten.

kirola Ibarra

ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?


EGIN ATARIKIDE!