Belabieta Kirol Klubeko gimnastek parte hartu zuten Gipuzkoako Txapelketan eta Senior B taldea Gipuzkoako txapelduna izan zen. Jubenil B taldeak 6. amaitu zuen, Kadete C Herrikide taldea Gipuzkoako txapeldunordea izan zen eta Kadete C Orixe taldea hirugarrena.
Banakako sailkapenari dagokionez, jubenil B mailan Irati Larreta Gipuzkoako txapeldunordea izan zen, pilotarekin 4.a eta zintarekin txapelduna izan ondoren. Uxue Ugartemendia 9. postua lortu zuen, pilotarekin 8.a eta zintarekin 10.a izanik. Mireia Larreta 11.a izan zen pilotarekin, eta Oskarbi klubeko Maialen Mosquero pilotarekin 8.a, eta sailkapen orokorrean 10.a.
Banaka kadete B mailan, Uxue Estivariz 4.a izan zen, uztaiarekin 5.a eta mazoekin 3.a izanik, azken horretan berdinduta. Maialen Azpiroz 6. izan zen, uztaiarekin 8.a eta mazoekin 5.a eginez. June Martinez 10.a izan zen, uztaiarekin eta mazoekin 10. postuan amaituz.
Tolosako II. Topaketa
Bestaldetik, larunbatean Tolosa CF klubak antolatutako II. Topaketa egin zen Uzturpe frontoian ere. Bertan Belabietako oinarrizko jubenil taldeak parte hartu zuen, eta 6. postua lortu zuen.