Belabietako Orixe infantil taldeak txapelketa honetarako sailkapena lortu zuen aurreko lehiaketetan eskuratutako emaitzengatik eta asteburu horretan 5. postua eskuratu zuten. Taldeko partaideak Maialen Aranalde, Amane Zabaleta, Maitane Ugartemendia, Elene Bereau, Oihane Malkorra eta Naia Sanchez dira. Aipagarria da talde honen hobekuntza denboraldia zehar.
Bestalde, maiatzaren 20an, Azpeitiko kiroldegian, Amateurren Gipuzkoako txapelketa egingo da. Belabieta Kirol Klubetik jubenil B, kadete B, kadete Orixe eta kadete Herrikide taldeak sailkatu dira. Banaka, aldiz, Irati Larreta eta Uxue Estivariz ariko dira lehian.
Egun berean, Zaragozako Miralbueno Klubak antolatutako torneoa egingo da, eta bertan Belabietako oinarrizko jubenil taldeak parte hartuko du. Oso denboraldi polita izaten ari da eta azken txapelketa eta torneo hauetan egin duten lan guztia erakusteko aukera ona izango dute.
