Bertan, Belabietako Anoeta eta Orixe taldeek parte hartu zuten 14. eta 11.postua lortuz. Hori dela eta, Belabietako Orixe taldea Gipuzkoako Txapelketarako sailkatu da. Anoetako taldeak sailkapena lortu ez badu ere, oso pozik daude klubetik fase batetik bestera erakutsi duen hobekuntzarekin.
Bestalde, asteburu honetan, Belabietako infantil Orixe eta kadete B taldeek Tolosa CF-ko eta Beti Aurrera torneoetan parte hartuko dute. Horrez gain, igande goizean, apirilak 2, Tolosako Uzturpe frontoian Gipuzkoako oinarrizko eta absolutuen txapelketa egingo da eta bertan Belabietako oinarrizko jubenil taldeak parte hartuko du. Belabieta kirol klubetik jendeari gonbidatu die ikustera joateko.