Belabieta kadete herrikidek 2. postua lortu zuen, eta kadete B taldeak 6.a. Kadete Orixe taldeak, aldiz, ezin izan zuen parte hartu lesio bat zela eta. Bestalde, jubenil b taldea 1. postuan sailkatu zen. Lau talde Hauek Gipuzkoako txapelketarako sailkatu dira. Belabietako kadete indibidualek ere oso emaitza onak izan zituzten. Irati Larreta txapelduna izan zen mazoekin, Uxue Estivariz 5.a, Maialen Azpiroz 7.a, June Martinez 10.a eta June Makibar 15.a. Emaitza hauek direla eta Larreta eta Estivariz sailkatu dira Gipuzkoako txapelketarako.
Igandean, berriz, Belabietako oinarrizko jubenil taldeak Azkoitian ospatu zen Euskadiko Txapelketan parte hartu zuen. Bertan, 3. postua lortu zuten eta baita Espainiako Koparako sailkapena ere. Beraz, apirilaren 27an Santanderreko Kirol Jauregian egingo den Espainiako Kopan parte hartuko dute. Azkenik, datorren asteburu honetan Belabietako Infantil Orixe eta Anoeta taldeek eskola mailako 2. fasean parte hartuko dute.