Ekainaren 8an, nazioarteko ingurumena eguna ospatzen den astearen barruan, energia berriztagarrien eta kontsumo arduratsuaren mahai ingurua antolatu zuten Anoetako Herri Ikastolak, Anoetako Udalak eta Tolosaldea Garatzenek.
Mahai inguruan 25 bat lagun elkartu ziren.
Bertan, Anoetako Herri Ikastolako DBH2ko ikasleek energiaren inguruan egindako lanketaren berri eman ziguten. Horrez gain, GoiEner Kooperatibako Agurtzane Allur eta Aitziber Errazkinek Kooperatiba gazte honen ezaugarri nagusiak ez ezik, gure argi indarraren faktura aztertzeko irizpideak plazaratu zituzten.
Amaieran ikasleek egindako lanaren inguruko ondorio eta proposamenak entzuteko aukera izan zuten.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
