Datorren apirilaren 8an, 0-7 urte bitarteko gurasoei zuzenduriko saio hezitzailearen jarraipena eskainiko da Anoetako Ikastolan. Lehenengo hitzaldiak izan zuen arrakasta ikusirik eta guraso askok jarraitzeko gogoa adierazi zutenez, aurrekoari jarraipena emango dion bigarren saioa antolatu dugu.
Saioa Anoeta eta Irurako edozein gurasorentzako dago zabalik. Gai konkretu bati buruzko interesa edota jakin-mina izanez gero gainera, aurretik tutoreari jakinarazi eta honek adituen esku utziko du gaia saioan azter dadin. Galdera zein kezkak modu anonimoan entrega ditzakezue horrela nahi izanez gero.
Aurrekoan bezala, saioa gazteleraz izango da eta emaileak haurtzaroan adituak diren bi psikologo izango dira: Susana Chapartegui eta Oscar Martin.