Gabonetako egitarauari amaiera emateko, ostiral honetan, hilak 8, Kortxoenea Gaztetxearen inguruko dokumentala eta mahai ingurua izango ditugu ikusgai 18:00etatik aurrera.
Gabonetan ez gara geldirik egon Anoetako Gaztetxean! Abenduaren 24an, umore ona eta zahatoak lagun, 60 bat gazte atera ginen baserriz baserri kantari, eta egunari segida emateko elkarrekin bazkaldu genuen.
Abenduaren 28an, Gure Kabuz ala Hil dokumentala ikusi genuen, eta abenduaren 30ean, drogen kontsumoaren inguruko hitzaldia izan genuen AiLaket elkartearen eskutik. Urtarrilaren 2an, "Sospechosos habituales" filma ikusi genuen.
Esan bezala, ostiraleko proiekzioarekin emango diogu amaiera Gabonetako egitarauari. Gonbidatuta zaudete!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
