Larunbata eta arratsaldeko zortzirak. Aurreko asteko kantxa berdina, baina oraingoan aurkari ezberdina. Ez dakit afaltzeko gosea izan ote zen, edota egun osoko eguraldi txarrak kaltetu ote gintuen, baina Antigua Luberriko neskek argi erakutsi ziguten zein mailatan zeuden.
Jakin bagenekien aurkarietako zenbait taldekidek urte asko zeramatzatela saskibaloian jokatzen, baina hala ere, gogoz kantxaratu ginen TAKE-ko senior neskak.
Partida osoan zehar aurkariak aurretik joan ziren arren, tolosarrak ahalik eta saiakera gehien egin genituen erasoan aukerak sortuz, eta atzean gogotsu defendituz.
Aurrez hauen kontra lehiatutako partidan ikusi genuen bezala, bagenekien aurkari zaila izango genuela. Posible da errua ordutegiari botatzea, eguraldiari, goseari edota logureari… Aitzakiak aitzakia, porrotarekin itzuli ginen etxera baina honek ez digu datorren asteko partidarako gogoa kenduko!
1, 2, 3… xuxta!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
