Gogo handiz kantxaratu ginen senior taldeko neskak aste honetako partidara, Usabalen. Inauteriek nahikoa indar eta borrokatzeko gogoa eman zigutelakoan geunden, eta halaxe hasi genuen partida.
Baina joan diren bi asteetan egin ez ditugun entrenamenduak agerian gelditu ziren hirugarren laurdenetik aurrera.
Esan bezala, gogor hasi genuen partida defentsan, estutzeaz gain erasoan aukerak sortuz. Baina ohikoa den bezala, beherakada hirugarren laurdenetik aurrera etorri zen.
Bagenekien aurkari zaila genuela denboraldi hasieran jokatu genuen partida ikusita, baina burua altxa eta aurrera jarraitzea besterik ez da gelditzen. Datorren asteko partidan gogo berdinarekin hasi eta bukatuko dugulakoan…
1, 2, 3… xuxta!
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
