Urtero emanaldia ikustera etortzen den horietako bat baldin bazara, ohartuko zara pil-pilean ditugun erakustaldiak ekartzen saiatzen garela; urte luzez entseatu eta hainbat plaza edo oholtzetan dantzatuak. Baina aurtengoan nostalgiko jarri gara apur bat.
Izan ere, hasiera batean, emanaldi berezi honekin, dantzaren zantzu eta estilo berriak plazaratu nahi izaten genituen. Gerora, istorio komun bat kontatuko zuten emanaldiak fintzen joan ginen, pauso eta dantza bakoitza kontakizun bateko esaldiak bailira.
Aurtengoan, ordea, lehengo garaietara itzultzea erabaki dugu. Herriko gazteengan jarriko dugu fokua, talde bakoitzak bere istorio propioa konta dezan. Horrela lau talde igoko dira agertokiaren gainera Aintzina emanaldia osatzera: Eskola, Oinazez, Oinarri eta Erronka. Gazte talde hauek gogor haritu dira urte osoan zehar euren dantzei forma ematen eta herri desberdinetako plazak alaitzen zein gure oinarriak pausoekin errotzen.
Ikuskizun txundigarri baten lekuko izan nahi baduzu zatoz abuztuaren 26ean gaueko 22:30ean Ibarrako Emeterio Arrese auzora.
Alurr dantza taldea bere sorterrira itzuliko da, ohiko moduan, San Bartolome jaietan. Urte osoan zehar eskainitako ikuskizunetatik, hau izaten da bereziena. Herrikoa. Urtero saiatzen gara ikuskizun honi mimo berezi bat eskaini eta ikusleriarengana gerturatzen.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!