Aurtengoan ere Altzoko gazte asanbladak plan bikaina antolatu du abenduaren bigarren astebururako. Altzotar zein beste herrietako jendearentzat zabalik dagoen frontenis txapelketa, hain zuzen ere, eta 15 urtetik gorako guztiek parte har dezakete.
Izena emateko epea azaroaren 24an amaituko da, eta horretarako Elordi elkartean, udaletxean zein gaztetxeko korreo elektronikoan (altzokogaztetxea@gmail.com) izango da aukera.
Txapelketa binaka izango da eta bikoteko 10 euro ordaindu beharko dira. Izena emateko garaian bikoteko kide bakoitzaren izen-abizenak eta telefono zenbakia jarri beharko dira, eta txapelketako lehen partida egunean jarri beharko da dirua.