Alegiako Mendi Asanbladak mendi ibilaldia antolatu du igande honetarako, abenduak 2. Aldabatik Santa Marinara joango dira eta bertan hamaiketakoa egingo dute.
Aldabara autoz joango dira, 09:00etan Tonto-kalean elkartu ondoren. Aldabatik oinez joango dira Santa Marinara, eta bertan, esan bezala, hamaiketakoa egingo dute, aurtengo urteari amaiera emanez. Ondoren, 13:30ak aldera, autobusez Alegiara itzuliko dira.
Izena emateko epea amaitu bada ere, autobusean oraindik lekua dagoenez, aukera dago interesa dutenek izena emateko. Horretarako alegiakomendiasanblada@gmail.com helbidera idatzi behar da. Helduek 10 euro eta haurrek 5 euro ordaindu behar dituzte. Prezio horren barne sartzen da autobusa eta hamaiketakoa. Alegiako Mendi Asanbladatik deialdia egin diote jendeari parte hartzeko.
Igande honetarako antolatu dute Alegiako Mendi Asanbladakoek ibilaldia eta Santa Marinan hamaiketakoa egingo dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!