Sarrerak guztiak amaituta zeuden bezperetatik eta espero bezala 1.600 bertsozale inguru elkartu dira gaur Gernika-Lumoko Jai Alai pilotalekuan Euskal Herriko Bertsolari Txapelketako lehenengo itzuliko hirugarren finalaurrekoan. Aitor Mendiluze, Aner Peritz, Joanes Illarregi, Ane Labaka, Aitor Bizkarra eta Agin Laburu aritu dira kantuan.
Ariketa puntuagarriak amaituta, Aitor Mendiluzek lortu du puntu gehien biltzea: 713 puntu. Horrela, finalaurrekoen bigarren itzulirako txartela lortu du eta Donostian kantatuko du azaroaren 21ean. Gainontzekoek, puntuazioaren arabera izango dute finalaurrekoen bigarrengo itzulira sailkatzeko aukera. Ziurrenik, gaurko saioko bertsolari guztiak arituko dira bigarren itzulian ere, alde txikia izan baita guztien artean; Mendiluzek 26 puntu atera dizkio seigarren izan den Labururi.
Horrela geratu dira gaurko puntuazioak:
- Aitor Mendiluze: 713 puntu.
- Aner Peritz: 707 puntu.
- Joanes Illarregi: 707 puntu.
- Ane Labaka: 703,5 puntu.
- Aitor Bizkarra: 694 puntu.
- Agin Laburu: 687 puntu.
Honako puntuazioa jaso dute bertsolariek ariketa bakoitzean:
| Zortziko handia | Zortziko txikia | Puntutan | Bakarka | Hamarreko txikia | Guztira | |
|---|---|---|---|---|---|---|
| Aitor Mendiluze | 146.00 | 142.50 | 145.00 | 131.50 | 148.00 | 713.00 |
| Aner Peritz | 130.50 | 148.50 | 140.50 | 147.50 | 140.00 | 707.00 |
| Joanes Illarregi | 137.00 | 137.50 | 144.50 | 140.50 | 147.50 | 707.00 |
| Ane Labaka | 137.00 | 143.00 | 138.50 | 144.50 | 140.50 | 703.50 |
| Aitor Bizkarra | 135.50 | 137.50 | 121.50 | 154.00 | 145.50 | 694.00 |
| Agin Laburu | 139.50 | 137.00 | 132.00 | 136.50 | 142.00 | 687.00 |
Lehenengo itzuliko azkena, Miarritzen
Finalaurrekoetako lehenengo itzuliko azken saioa azaroaren 14an izango da Miarritzeko Jai Alain, 17:00etatik aurrera. Kantuan ariko diren bertsolariak Andoni Rekondo Izagirre, Julio Soto Ezkurdia, Maddalen Arzallus Antia, Maddi Ane Txoperena Iribarren, Oier Etxeberria Zubimendi eta Sustrai Colina Acordarrementeria izango dira. Sarrerak salgai daude www.bertsosarrerak.eus atarian. Miarritzeko saioarekin jakingo da zeintzuk izango diren finalaurrekoen bigarren itzulian kantatuko duten bertsolariak, baita, hiru saioen osaerak zeintzuk izango diren ere.
Oraingoz, honela dago sailkapena:
| Urriak 24 | Larraun-Lekunberri | Urriak 31 | Eibar | Azaroak 7 | Gernika-Lumo | Guztira | ||
|---|---|---|---|---|---|
| 1 | Amets Arzallus | 746.50 | 746.50 | ||
| 2 | Nerea Ibarzabal | 740.00 | 740.00 | ||
| 3 | Beñat Gaztelumendi | 733.00 | 733.00 | ||
| 4 | Alaia Martin | 722.00 | 722.00 | ||
| 5 | Miren Artetxe | 713.50 | 713.50 | ||
| 6 | Aitor Mendiluze | 713.00 | 713.00 | ||
| 7 | Aner Peritz | 707.00 | 707.00 | ||
| 8 | Joanes Illarregi | 707.00 | 707.00 | ||
| 9 | Ane Labaka | 703.50 | 703.50 | ||
| 10 | Oihana Iguaran | 701.50 | 701.50 | ||
| 11 | Nerea Elustondo | 696.00 | 696.00 | ||
| 12 | Aitor Bizkarra | 694.00 | 694.00 | ||
| 13 | Saioa Alkaiza | 689.50 | 689.50 | ||
| 14 | Agin Laburu | 687.00 | 687.00 | ||
| 15 | Xabat Illarregi | 674.50 | 674.50 | ||
| 16 | Xabat Galletebeitia | 664.00 | 664.00 | ||
| 17 | Asier Azpiroz | 642.50 | 642.50 | ||
| 18 | Gorka Pagonabarraga | 624.00 | 624.00 |