Irurako ur parkea dagoeneko zabalik dago herritarrentzat. Ikasturtea amaitu arte, honako ordutegia izango du: astelehenetik ostiralera, 16:00etatik 21:00etara; eta larunbat eta igandeetan, 11:00etatik 21:00etara.
Ur txorrotak martxan jartzeko, sakagailuak erabili beharko dira. Uda garaiko ordutegiari buruzko informazioa aurrerago emango dute. Bitartean, herritarrei gogorarazi diete ur parkea eta plaza guztion espazio publikoak direla, eta, horregatik, ezinbestekoa dela errespetuz jokatzea eta sortutako hondakinak zakarrontzira botatzea.
Bestalde, datorren astean komun publiko bat jarriko dute plazan, iaz bezala.