XIII. Artisautza eta elikagai azoka ari dira ospatzen Iruran, eta erraldoien konpartsak alaitu du goizean goiz giroa. Eguerdiko 14:00ak arte izango dira postuak zabalik.
Plazako obrak direla eta, azoka frontoiaren eremuan egin dute aurtengoan; eta eguraldi onarekin kanpoan jarri dituzte postuak. Guztira, 30 postu inguru bildu dira pilotalekuaren inguruan, eta bertan izan dira Euskal Herritik etorritako artisau eta baserritarrak zein kanpotik etorritako saltzaileak ere. Gainera, Irurako Udalak antolatuta, Zizurkilgo Garazi loradendak kokedama tailerra eman du, eta Irurako erraldoien konpartsak alaitu du giroa.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!