Festetako bigarren asteburuari ekin diote irurarrek. Hain justu, Mozorro eguna da gaur, eta filmak eta telesailak oinarri hartuta mozorrotuko dira. Goizean haurrak izan dira protagonista, lehendabizi plazan buruhandietatik ihesi, eta ondoren garbitoki inguruan egin duten apar festan. Arratsaldean, erraldoien topaketa egingo dute, eta gauean, play back emanaldia izango da eta baita zuzeneko musika ere.
Urriak 3, ostirala
- 18:00-20:00. Erraldoien topaketa eta kalejira. Amasa-Villabona, Anoeta, Argedas, Irura, Noain, Pasaia eta Utergako erraldoiekin trikitia eta gaiteroek girotuta.
- Ondoren, txistor jatea herri eskolaren aurrean, Irurako Ikastolaren eskutik.
- 22:30. Play Back jaialdia.
- Ondoren, zuzeneko musika emanaldia txosnetan.
Urriak 4, larunbata
- 11:30. Emakumezkoen xare partida. Ondoren. VII. San Migel Xare Irekia Irurako Udala Sari Nagusia torneoaren finala eta 23 urtez azpiko Munduko Txapelketan parte hartu duten jokalariei omenaldia.
- 14:00. Herri bazkaria, San Migel plazan.
- Ondoren, musika dantzagarria DJ Bull-ekin.
- 23:00. Herensugea erretzea.
- 23:30. La Txama eta Auskalo taldeen emanaldia.
- 00:30-03:30. Puntu Morea. Emakumeak elkarrekin etxera itzultzeko udaletxearen aurrean.
Urriak 5, igandea
- 12:00. Meza Nagusia.
- 14:00. bazkaria jubilatu eta pentsiodunentzat.
- Ondoren, musika dantzagarria Joxe Mendizabalen eskutik.