Emakumeak Xarean ekitaldia antolatu dute Iruran larunbat honetarako. «Ekitaldiaren helburua xarean emakumeen partaidetza sustatzea eta haien ikusgarritasuna handitzea da, azken urteetan emakumeen presentzia eta izen-emateak nabarmen jaitsi baitira», azaldu dute antolatzaileek. Herriko hainbat eragileren arteko elkarlanean bultzatu dute egitasmoa: Irurako Udalaren Berdintasun eta Kultura saila, Ametsa Pilota Elkartea, Irura Moretuz taldea eta Irurako Ikastola.
Ekitaldia 12:00etan jarriko da abian da Ametsa trinketean, eta xarean jokatu izan duten hainbat emakumezkok erakustaldi partidak jokatuko dituzte. Lau bikote ariko dira kantxan partida motzak jokatzen. Ondoren, batez ere neska gaztetxoenak animatuko dituzte xarean jokatzera probatu dezaten.
Horren ondoren, bertso batzuk entzuteko aukera izango da, Irurako Ikastolako ikasleen eskutik. Azkenik, ekitaldiari amaiera emateko, luntxa izango da. Ekitaldian zehar, xarean jokatu ahal izateko izena nola eman daitekeen ere azalduko dute.