Kultur Aniztasunaren Astea antolatu du Irura Bizi elkarteak maiatzaren 21etik 23ra bitartean, udaleko Kultura Mahaiarekin lankidetzan eta Tolosaldea Garatzenen babesarekin.
Herriko ikastetxeko aretoan eta San Migel plazan egingo diren ekintzekin, helburua da kultura desberdinak ezagutzea eta aniztasunari balioa ematea.
- Maiatzak 21, asteazkena
- 17:15. Bertoko eta urrutiko ipuinak herri eskolako aretoan, 5 eta 10 urte arteko haurrentzat.
- Maiatzak 22, osteguna
- 18:00. Herri eskolako aretoan Garazi Pascualen eskutik afrikar dantzen tailerra, 8 urtetik gorakoentzat.
- Maiatzak 23, ostirala
- 19:00. San Migel plazan, Migue eta Yaima, Santa Clara, Kubatik. Son, bolero, guajira eta beste hainbat erritmo latinoamerikar landuko dituzte.