Joan den maiatzaren 13an egin zuten Iruran, plaza oinezkoentzat bihurtzeko proiektuaren aurkezpen publikoa. Hainbat dokumentu argitaratu dituzte udaleko webgunean, proiektuaren inguruko informazio guztia helarazteko. Hemendik aurrera ekarpenak egiteko aukera zabaldu du udalak, honako galdetegiaren bitartez.
Maiatzaren 25 baino lehen erantzun beharko da galdetegia. Udaleko webgunean edo aplikazio bidez betetzen ez dutenek, paperean egin ahal izango dute, udaletxeko harrera bulegoan eskatuta. «Denen iritzia oso garrantzitsua da plaza herritarren beharretara egokitu dadin», esan dute udal ordezkariek.
Mugikortasun plana
Horrekin batera, mugikortasun atalean hainbat lanketa egiten ari da Irurako Udala eta hor kokatzen da bizikleta bidezko mugikortasun plana. Maiatzak 7tik dago ikusgai etorkizuneko bidegorria izan daitekeenaren inguruko informazioa, herriko plazan, Trinketean eta kultur etxean. Proiektuaren inguruko informazio guztia hemen kontsultatu daiteke.
Maiatzak 15ean planaren aurkezpena egin zuten eta, orain, proiektuaren inguruan ekarpenak egiteko aukera zabaldu dute, eta horretarako, galdetegi bat prestatuta. Ekainaren 1era bitartean egin daitezke ekarpenak. Paperean bete nahi duenak udaletxeko harrera bulegora jo beharko du eta digitalki egin nahi duenak web orritik edo Irurako aplikaziotik egin dezake.