Irurako Udalak baso plana jarri du martxan eta Naturtzaindia elkartea kontratatu du herri onurako mendietan dauden basoen ordenazio plana egiteko. Aurtengo aurrekontuan, 11.650 euroko gastua jaso du udalak plana gauzatzeko.
Besteak beste, herri onurako mendiaren ezaugarrien deskribapena egin beharko du Naturtzaindiak eta zuhaitz landaketa exotikoen azterketa egin, hurrengo urteetarako kudeaketa plana definituz; gainera larre eremuen egoera, abere karga eta jardunbide aproposen zehaztapena ere egin beharko du.