Bi ikastaro berri jarriko dituzte martxan otsailetik ekainera Iruran. 16 urtetik gorako herritarrei zuzendutakoak dira. Euskaraz eta dohainik eskainiko dituzte.
Alde batetik, perretxiko eta onddoen mikologia eta identifikazioaren inguruko ikastaro bat eskainiko dute. 30 orduko iraupena izango du eta inguruko perretxiko eta onddoen inguruko informazioa emango da bertan. Errezetak ere egingo dituzte.
Bestetik, sendabelarren inguruan trebatzeko tailerrean, inguruko sendabelarrak identifikatu eta haiek erabiliz gaitzak prebenitzen edo haiei aurre egiten ikasiko dute parte hartzaileek. 30 orduko iraupena izango du ikastaro honek ere.
Izena emateko, 688 82 72 06 telefono zenbakira deitu beharko da, edo gazteria@irura.eus helbidera idatzi. Urtarrilaren 28a da izen emateko azkeneko eguna. Gutxienez 8 eta gehienez 15 parte hartzaile beharko dira ikastaro bakoitzean eta otsailetik ekainera adostutako datetan eskainiko dira ikastaroak.