Herriko saltokietan erabiltzeko erosketa bonuak jarri dituzte salgai Irurako udaletxeko harreran. Herriko komertzio txikia babestu nahi du udalak eta horretarako jarri du ekimena martxan. 50 euroko balioa duten bonuak 40 euroan eskuratu ahal izango dira.
Irurako komertzio txikia babesteko aukera eskaintzen dute erosketa bonuek. Guztira, herriko zortzi denda eta tabernatan erabili ahal izango dira –Ametsa Trinketea, Ametz estankoa, Miren Bakarne Arrue farmazia, Loatzo taberna jatetxea, Irurako Ostatua, Triku ile-apaindegia, Tximak ile-apaindegia–.
Eskuratu ahal izateko, NAN txartela aurkeztu eta bankuko txartelarekin ordaindu beharko da. Udaletxeko harrera bulegoan lortu ahal izango dira bonuak 09:00etatik 14:00etara. 10 euroko bost bonurekin osatutako lote bat eskuratu ahal izango da pertsonako. Otsailaren 28ra arte egongo dira salgai bonuak.