Iruran duela bi hilabete eman zuten plaza oinezkoen gune bihurtzeko pausoa. Debekatua dago ibilgailuentzat plazara sartzea, salbuespen hauekin: bertakoak, udal eta larrialdi zerbitzuak, zamalanak, mantenu eta zerbitzu teknikoak eta hilerrira joan behar dutenak. Horrez gain, plazan aparkatzea debekatua dago 10:00etatik 20:00etara, banatzaile, ostatu eta bertakoek zamalanak egiteko izan ezik.
Bi hilabete dira araudi berria indarrean jarri zenetik eta, denbora tarte honetan, abisuak jarri zaizkie arau-hausteak egin dituztenei. Aurrerantzean, ordea, salaketak egiten hasiko da udala. Oinezkoen gunean ibilgailuak zirkulatzea arau hauste larria dela eta 200 euroko isuna duela jakinarazi du udalak.