San Migel jaiak ospatuko dituzte Iruran datorren astetik aurrera. Hainbat ekimenetan izena emateko moduen berri eman dute festa batzordetik.
- Haurren bazkaria: Izena ematea 688 82 72 06 telefonora whatsApp mezua bidaliz, irailaren 11tik 18ra. Mezuan zehaztu beharrekoa: Haurraren izen abizenak, ikasketa maila eta Kontakturako telefonoa.
- Patata tortilla lehiaketak: Izen-ematea HEMEN galdetegia betez irailaren 11tik 18ra.
- Herri bazkarirako txartelak: Udaletxeko harreran (txartelarekin ordainduz), Ostatuan eta Trinketean irailaren 11tik 21era. Ikasle, langabe eta jubilatuen txartelak soilik udaletxeko harreran.
- Herri bazkarirako mahaien erreserba: Izen-ematea HEMEN galdetegia betez irailaren 11tik 25era.
- Drone soccer edo dronearekin futbolean jolasteko saioa: Izen-ematea 688 82 72 06 telefonora whatsApp mezua bidaliz, irailaren 16tik 22ra. Mezuan zehaztu beharrekoa: Nerabe edo gaztearen izen abizenak, ikasketa maila eta kontakturako telefonoa.
- Play-back-eko parte hartzaileak: Irailaren 27an 22:00etan eszenatoki aurrean. Abestia MP3 formatuan USB batean ekarri beharko da.
Jai egitarauaren azalaren egilea
Itxaso Yeregui Ayerza herritarra da aurtengo San Migel jaietako egitarauaren azalaren egilea. Zenbait proposamen aurkeztu zituen, eta hauxe izan zen hautatua.
Ostiral honetan bertan banatuko du udalak egitaraua etxeko postontzietan.