Irurako Udalak ikastaro sorta zabala prestatu du ikasturte berrirako. Urritik ekaina bitarte, kultur eta kirol ikastaro ezberdinak izango dira martxan, helduentzat eta haur zein nerabeentzat.
Helduen kasuan yoga, areto bizikleta, pilates, zumba eta cross training izango dira aukeran. Haur eta nerabeentzat, berriz, Jolashezi, irristaketa, eskalada, diziplina anitzetako dantzak, eskulanak eta sukaldaritza.
Izena emateko epea zabalik egongo da irailaren 2tik 15era, Irurako Udaleko webgunean.