Irurako Kutxazain automatikoa aldatuko dute datorren astean. Aldaketa egin ahal izateko, maiatzaren 13an oraingoa hustu egingo da eta zerbitzua emateari utziko dio. Maiatzaren 14a eta 15a bitartean kutxazain berria jarri eta maiatzaren 16rako martxan izatea espero dute.
Kutxazain berri honek ukipen pantaila izango du, eta horrek, besteak beste, eragiketetan kontzeptuak jartzea ahalbidetuko du. Contactless funtzioa ere izango du, txartela sartu gabe eragiketak egin ahal izateko eta Mugi txartela bertan kargatu ahal izango da.