Arineketan taldeak bigarren proiektua aurkeztu du: Zaharrak berri. Txistuaren, ahotsaren eta pianoaren arteko elkarlana du oinarri. Bikoteak zuzenekoetan Xabier Zeberio tolosarraren laguntza izango du biolinarekin eta parte hartuko dute, baita ere, Ainara Ortegak eta Agate Amilibiak.
Disko berria aurkezteko, lan honen izen bera duen Zaharrak berri kantuaren bideoklipa aurkeztu dute Sastrek eta Astiazaranek. Kasu honetan, abestiak txistua eta rapa elkartzen ditu eta Odei Barrosoren kolaborazioa izan dute horretarako. Tradizioa berritzeari buruz ari dira eta bideoklipa ere egin dute abesti hori oinarri hartuta. Dantzari gisa Leire Romero ibartarrak hartu du parte.