Irurako babes zibileko boluntario taldea osatzen duten 7 kideek, Euskadiko Babes Zibilaren arloan boluntarioek egindako lana aintzatesteko diplomak jasoko dituzte Eusko Jaurlaritzako Segurtasun sailburuordearen erabakiz.
Hamar urte baino gehiagotan egindako lanagatik jaso dute aipamena, modu horretara larrialdi egoeretan esku-hartzeko egindako jarduera jendaurrean aitortuz eta sarituz. Honakoak dira Iruran diploma jaso duten taldeko kideak: Asintxio Iturbe, Xabier Karrera, Antton Gutierrez, Mikel Mendizabal, Jokin Lasa, Jose De Dios eta Joxi Lasa.
Talde hau herritarrentzat arriskutsuak diren larrialdi-egoeren (suteak, istripuak, alerta meteorologikoak...) prebentzioan lan egiteko eta herrian antolatzen diren kirol, festa eta kultura ekitaldiak antolatzeko laguntza eta segurtasuna emateko sortu zen.