16 urtetik gorako herritarrei eskainitako ikastaroa da, eta 20 euroko prezioa izango du. Apirilaren 17a baino lehen eman behar da izena, Irura.eus webgunean gonbidapena eskatuz, kultura@irura.eus helbidera idatziz edo kultura bulegora deituz (943 692 674).
«Ez dakizu fandangoa eta arin-arina bereizten? Dantzatu nahi, baina dantzan ez dakizula? Bada, erromerietan galduta sentitu ez zaitezen, hauxe da zure aukera! Hemen duzu plazako dantzen ikastaroa Xabi Artola Amonarriz irurarraren eskutik. Fandangoa eta arin-arina, Zazpi jauziak, Lantz, Axuri beltza… Anima zaitez, eta ikasi gure dantzak, ondo pasatuz, eta ondo pasatzeko!», adierazi dute antolatzaileek.