Irurako Udalak 2022an Laskibar auzoko jolas parkearen egoera ikusita, bizilagunekin batera, aisialdi-gunearen partaidetza prozesua martxan jarri zuen. Behin prozesua aurkezteko bilera egin ondoren, proposamenak egiteko epea zabaldu zuen eta hainbat eskakizun egin zituzten herritarrek. «Jasotako proposamenak eta guneak eskaintzen dituen baliabide naturalak kontutan edukitzen saiatu da udala, eta emaitzak auzotarren nahiak asetzea espero da», adierazi dute.
Kostua:
- 1. faseko inbertsioa, jada eginda (tirolina eta ping-pong mahaia): 16.500 €.
- 2. faseko inbertsioa (parkour zirkuitua, balantzina, zabua, txirrista pasabideko etxetxoak, piknik mahaiak,...): 12.075 € + 45.508 € + 2.333 € = 59.916 €.