Euskal pilotan emandako lehen pilotakadak, garai horretako irurar gazte gehienak bezala, xarez eman bazituen ere, berehala piztu zitzaion zesta puntaren Ameriketako sugarra, eta buru-belarri ekin zion zesta puntan jokatzeari. Tolosako Beotibarren hasi, eta Donostiako Baldan zebilela, etorri zitzaion Benidormera, profesional bezala, jokatzera joateko aukera, oso gazte zelarik. Hor denbora gutxi eginda, itsasoa zeharkatu eta Ameriketako frontoietan jokatzeko aukera heldu zitzaion. Urte zoragarri batzuk eman zituen bertan, eta Ameriketako abentura polit hura amaituta, itzuli zen berriro Irurara, bere pilotari aroari amaiera emanez. Gerora, Lekeitiora ezkondu, familia bat osatu eta urte gehienak bertan eman ditu, Irurara joan-etorri batzuk eginez.
Irurako Ametsa Pilota Elkarteko Mikel Uzkudunek bildutako informazioa eta Irura.eus webgunean argitaratua