Klima-larrialdi garai honetan Irurako Udalak energia trantsizioa ahalbidetzeko hainbat urrats ematen ari da: eraikinetako energia auditoretzak, kale,argiteriaren auditoretza, elektrizitate fakturak ulertzeko ikastaroak... Ildo horretan, Gipuzkoako Foru Aldundiko Ingurumen eta Obra Hidraulikoetako departamentuarekin elkarlanean, Irurako Energia Komunitatea sortzeko prozesua abiatu du.
Tokiko Energia Komunitate bat zer den eta zein onura dituen ezagutzeko informazio-saio bat antolatu du udalak. Herritar, merkatari eta interesa duten herriko beste eragileei zuzendutako bilera izango da, martxoaren 7an, asteartea, 18:30ean Herri Eskolako aretoan.