Klima aldaketa eta energia aurrezteko erronkei erantzuna eman nahian, mugikortasun gaien testuinguruan, eskualde mailan burutzen ari den prozesuan parte hartzen ari da Irurako Udala, autoak partekatzeko egitasmoek eskaintzen dituzten onurak ezagutu eta beraien alde egitea posible den aztertzeko helburuarekin. Testuinguru honetan, gai honekiko ikuspegia jasotzea ezinbestekoa dela irizten dio udalak eta egingo den hitzaldi solasaldira gonbidatu ditu herritarrak, ekimen honen berri eman eta iritziak jasotzeko.
"Etxeko ibilgailu bat kendu eta mugikortasun aukera berriak ezagutu nahi dituzu? Autorik ez baduzu, nola mugi zintezke leku batetik bestera, modu antolatuan?". Gisa honetako galderak erantzuteko aukera izango da, herri eskolan egingo den bileran, otsailaren 9an, ostegunean, 18:00etan.